The Twa Corbies

As I was walkin' all alane,
I heard twa corbies makin' mane,
and `tain untae the ither did say, O,
"Where sall we gang and dine the day, O,
where sall we gang and dine the day?"

"Down beside yon open bight,
I wot there lies a new-slain knight,
and naebody kens that he lies there, O,
but his hawk and his hound and his lady fair, O,
his hawk and his hound and his lady fair."

"His hound is tae the hunting gane,
his hawk ta fecht the wild fowl dane.
His lady ha' ta'en anither mate, O,
sae we may mak' oor dinner sweet, O,
we may mak' oor dinner sweet."

"Ye'll sit on his white hoose-bane,
and I'll pike oot his bonny blue e'en.
Wi' mony a lock o' his golden hair, O,
we'll theek oor nest when it grows bare, O,
theek oor nest when it grows bare."

"Mony's the one for him mak's mane,
but nane sall ken whaur he ha' gane.
O'er his white bones when they are bare, O,
the wind sall blaw forever mair, O,
wind sall blaw forever mair."